Easchte Hochkuituan

Der Artikl is im Dialekt Owaöstareichisch gschriem worn.

Vöka bzw. Kuituan wean za de Easchtn Hochkuituan oda Erste Hochkulturen zöhd, wauns gsöschoftli weid entwücked san. Soichane Vöka san sesshoft gwen und hom a aa Laundwiatschoft ghobd de ned nua eanane Leid dahoidn, sundan a sovü heagem hod dass Eana a aa Oawadsteulung megli gmochd hod. Städ und Tempön haums baut und dafia hods a aa Vawoitung und a Religion gem. Und via De hods wida a Hierarchi und oan Klerus-Priasta braucht. Se soidadn owa a scho a Schrift oda wenigstns a Fuafuam vo oana Schrift ghobt hom. Moast hom se de Kuituan an Flussleif ausbroat. Wauns owa a öda woan, owa de Meakmoi ned eafühn, daun kenans nua za de Easchtn Kuituan einikema.

Wea kead dazua

Friara woas oafocha, do hod ma nua de Boa Vöka wia de Sumer, Akkad, Egyptn, Babylon und de Assyra gwisst, de Olle im goana Hoibmond glebd hom. Owa so noch und noch san mid de Ausgrowungan und da C14 Datirung owei mera dazuakema, wia Elam, Mari ... Do wan amoi in Asien de Indus Kuitua und de oidn Kinesn, owa a in Kloanasien de Hethita und nu a Boa Kloanane. De Minoa in Eiropa und in Middlamerika de Olmekn, de Maya und in Siidamerika Ventaron, Caral.. De Oane oda Aundre wiad no spada in da Afzölung datzuakema.

Des Kinitoa in Hattusa - Hethita
Da grosse Plotz in Tikal, Maya

Schau aa

Litaradua

Martin Kruckenburg: Wer sprach das erste Wort, die Entstehung von Sprache und Schrift. 2. Aflog, Theiss Verlag, Stuttgart 2004. ISBN 978-3-8062-2330-9
Harald Haarmann: Weltgeschichte der Zahlen. C.H.Beck-Wissen, Minga 2011. ISBN 978-3-406-56250-1
Harald Haarmann: Universalgeschichte der Schrift. 2. Auflage, Frankfurt/New York 1991 ISBN 3-88059-955-6; Sonderausgabe 1998
Hartwig Altenmüller, Einführung in die Hieroglyphenschrift. 2010, Helmut Buske Verlag - Hamburg. ISBN 978-3-87548-535-6
Henry.F.Saggs: Völker im Lande Babylon. Theiss Verlag. ISBN 3-8062-1864-1

Im Netz